Para mailigtas ang natitirang kayamanan ng mga Feng, kailangan na maikasal ni Trisha sa isang Emperor na kahit kailan ay hindi niya naisip na gawin o kahit pa man sa kaniyang panaginip. Labag iyon sa kaniyang kalooban at ganoon rin ang nararamdaman ng kambal niyang si Troy. Ayaw nitong makitang miserable ang buhay ng kaniyang kambal na babae sa isang lalaking hindi naman kilala. Subalit sadyang mapaglaro ang kapalaran. Tila mas naging mahirap ang sitwasyon nilang dalawa nang may mangyaring hindi kaaya-aya na hindi lamang babago sa buhay ni Troy kundi pati na rin sa buhay ng kaniyang pamilya. Paano kung ang lahat ng pagsubok na kakaharapin ni Troy ay ang isa sa mga pagsubok sa kaniyang sarili na matagal na niyang pinapangarap? Paano kung maging dahilan ito sa kaniyang personal na interes ngunit sa isang sitwasyon na kailanman ay hinding-hindi na niya maiiwasan?

Isang bagay lang ang alam ni Dion Agoncillo, Ang maging sundalo. Subalit hindi iyon ang gusto ng kaniyang pamilya. Walang ibang gusto ang pamilya ni Dion kundi ang maging isa siyang ganap na Doktor. Dahil sa pagnanais ni Dion na tuparin ang kaniyang pangarap, gumawa siya ng paraan para matupad ito. Taliwas naman sa sitwasyon ni Luke Montero, pinapangarap niya na maging isang recording artist sa industriya. Sadyang mahirap ang lahat ng iyon para kay Luke. Sa pag-abot ng kanilang mga pangarap kasabay ng kanilang matinding pagsisikap, makamit kaya nila ang minimithi? O maging dahilan iyon para pagtagpuin ang kanilang mga landas sa mas nakakatakot na trahedya?

Sa bawat taon na magdaan sa buhay ni Paris ay palaging sumasagi sa isipan niya ang nakaraan na nagpabago sa buhay niya. Mahirap ang mag-isa. Sa kabila ng pinagdadaanan sa buhay ay ang malalim na katanungan sa sarili niya kung kaya niya bang ipaglaban ang sarili at ang taong patuloy na nangungulit sa kanyang utak at nagpapakaba sa kanyang puso sa bawat sitwasyon na kanyang nararanasan sa tuwing kasama niya ito. Ang magkagusto sa kaparehong kasarian ay isang napakalaking pagsubok. Piliin kaya niyang sumaya kasama ito kahit sa kabila ng lahat ay ang katotohanan na maaaring makasira sa kanilang dalawa? O ang manatili sa mapait na nakaraan at sa panibagong surpresa sa kasalukuyan?