“Pumili ka na.”
Halos lumuwa ang mga mata ni Amelia habang nakatingin sa bestidang nakasuot sa isang mannequin. Kulay pula iyon na may mahabang laylayan. Malalim din ang pagkakahugis ng letter v sa may dibdib niyon. Halos makita nan ga ang tiyan ng mannequin. Mayroon din itong manggas na hindi abot sa siko.
Ngumiti si Vhal noong makita niya na halos maghugis bituin na ang mga mata ni Amelia. Hinawakan niya ang balikat ng mannequin.
“Gusto mo?”
Wala sa sariling tumango si Amelia. Pero agad din niya iyong binawi dahil nakaramdam siya ng pagkahiya. Matagal na niyang nakikita ang bestidang iyon sa magazine, at noon pa man ay gusto na niya iyong maisuot. Hindi niya lang alam kung paano iyon mabibili dahil hindi naman siya nakakalabas. At isa pa, masyadong mahal iyon. Umiling siya.
“Na
