Hindi na umangal pa si Amelia at sumama kay Vhal noong hilain siya nito paahon sa lawa. Labis siyang kinakabahan dahil baka malaman ni Maxine na siya ay aalis. Tiningnan niya ang kanyang alagang si Leo. Tumango ito sa kanya na para bang na unawaan nito ang ibig niyang sabihin. Bahagyang nagulat si Amelia noong magpalit ng anyo si Vhal bilang lobo. Naiawang niya ang kanyang bibig nang makita niya ang lobo nito na kakulay ng tsokolate. Napaka kisig nito sa kanyang paningin.
Halika, Amelia. Sumama ka sa akin.
Huminga nang malalim si Amelia. Kinakabahan siya pero hindi naman siguro masama na lumabas siya? Kasama naman niya si Vhal at sigurado siyang hindi siya pababayaan nito. Tumango siya at ilang sandali lamang ay nagpalit na rin siya ng anyo. Sumenyas ang lobo ni Vhal na sumunod siya ri
