Hindi na mapakali si Amelia dahil sa labis na pagkasabik. Paulit-ulit na bumabalik sa kanyang panlasa ang natikman niyang pagkain kanina. Hindi na siya makapaghintay. Gusto na niya ulit iyong malasahan. Pumunta siya sa ikalawang palapag at doon pilit na inabala ang sarili habang naghihintay ng oras. Pakanta-kanta pa siya habang inaalis ang mga alikabok sa kanyang mga libro.
“Amelia.”
Napatigil si Amelia sa kanyang ginagawa nang marinig niya ang tawag ng kanyang nana. Nilingon niya ito. Nakatayo si Maxine sa ulo ng hagdan habang pinapanood siya. Agad siyang ngumiti rito.
“Nana.”
“Maaga akong aalis ngayon. H’wag kang aalis ng mansyon, ha?” paalala nito.
Mabilis na tumango si Amelia. “Opo.” Kumunot ang kanyang noo. “Bakit parang nagmamadali ho kayo? May problema po ba?”
Bumungtong
