"Bianca?"
Bumagsak sa mga kamay niya ang walang malay na asawa. Hinimatay ito bigla sa harapan ni Ate Asena.
"Oh my God! Liam, what happened to your wife?" tili ni Ate Asena na gulat na gulat din sa nangyari.
"Damn it," mura niya. Binuhat niya ang walang malay na asawa.
"Buntis ba siya?" tanong ni Ate Asena.
Bigla siyang kinabahan sa tanong ng kapatid. Bakit hindi niya naisip 'yon?
Hindi naman siguro ito buntis. Huwag naman sanang magsabay na buntis si Ate Asena at ang kabit ni Bernard. Mapapatay na niya si Bernard kung magkataon.
"Honey? Anong nangyayari?"
Tinig ni Bernard. Napamura siya muli sa isip.
"Dadalhin ko muna sa ospital ang asawa ko," paalam niya sa kapatid.
Nasalubong niya si Bernard sa pintuan. Masamang tingin ang pinukol niya sa bayaw. Nakasubsob ang mukha
