"Dad," sagot niya sa telepono. Tumayo siya mula sa kinauupuan kasama ang mga kaibigan para sagutin ang tawag ng ama. Nagpaalam siya sa ama na lalabas silang magkakaibigan ngayong gabi. Sa pagpasok kasi niya sa San University, may mga naging kaibigan na rin naman siya. Pinayagan naman siya ng ama na lumabas. Sinabi naman niya rito kung saan sila pupuntang magkakaibigan.
Habang kausap niya ang ama, bigla niyang nakita si Liam sa harapan niya. Nanlaki ang mga mata niya sa gulat.
"Is that Bernard?" tanong nito.
Napalunok siya. Inagaw nito ang cellphone sa kamay niya at tiningnan ang nakasulat sa screen.
"Daddy eh," sabi nito sabay pindot sa end call.
"Akin na ‘yan!" sinubukan niyang agawin dito ang cellphone. Nilayo nito iyon at kinuha ang sarili nitong cellphone sa bulsa.
"G
