Naalimpungatan ako ilang oras mula ng makatulog kaming dalawa ni Riz sa sofa bed, napatulala ako sandali at inisip ko kung ano nga ba ang aking napaginipan. May naramdaman din akong luha sa aking mga pisngi. Pasalamat ako at panaginip lang ang lahat, magkahalong tuwa at lungkot ang aking naramdaman sa panaginip kong iyon. Para kasing totoo ang lahat, ang mga tao na nandoon at ang mga pangyayari sa aking panaginip. Akala ko talagang ikakasal na kami ni Riz at nagkaroon na ng kapatid si Ken na babae. Maayos na sana ang lahat kung hindi umeksena si Nick, at nagawa pa nitong kunin ang aking mag-iina.
Nang nasa huwisyo na ako ay napansin kong nakayakap pa rin sa akin si Riz, mahimbing pa rin itong natutulog. Napangiti naman ako sa pusisyon namin, nawala na ang kaba at takot ko dahil sa aking p
