Bumangon si Shawn mula sa pagkakahiga sa kaniyang kama. Napatingin sa bintana kung saan natatanaw na niya ang maaliwalas na panahon sa labas. Hinagilap ang tsenelas sa ilalim ng higaan pagkatapos ay humihikab siyang tumungo sa terrace ng kaniyang kuwarto upang sumamyo nang hangin.
"A nice sunny day," aniya. Nakatukod ang kaniyang dalawang kamay sa railings ng terrace habang tinatanaw ang kalawakan ng kanilang luntian na hacienda.
Mula sa itaas, tanaw niya si Diana sa malawak na hardin sa kanilang bakuran habang nagdidilig ito ng mga halaman. Nakangiting sinasabuyan ang mga bulaklak nang tubig gamit ang hose na nakakabit sa kanilang gripo. Ang buhok nitong mahaba'y sumasabay sa pagwagayway nang hangin.
"She's a real goddess," nakangiting tanaw niya sa babaeng lihim niyang iniibig. Gumawi
