"Sino ba kayo? Bakit niyo ba ako hinahanap?" tanong ng isang lalaki na sa tantiya ni Vito ay ka-edadan niya lang. Gusot ang mukha nito ng maratnan na naghihintay siya at si Amad sa hotel na pag-aari nito.
"Magandang araw sa'yo. Kung hindi ako nagkakamali ay ikaw ang may-ari ng hotel na 'to na si Mister Axel Teodoro," pagbibigay galang niya sa lalaki. Pasimple niyang sinuri nang tingin ang nasa kaniyang harapan. Bukas ang apat na butones ng polo nito kaya naman kita ang malapad nitong dibdib maging ang sikmura na halatang alaga sa gym. Sa unang tingin ay batid niyang batak ito sa pakikipagbuno pares ni Shawn.
"Ano naman? Ano bang kailangan niyo? Hindi niyo ba alam na naaabala itong si Miya sa ginagawa niyo?" iritang wika ng lalaki sa kanila. Ibinalibag nito ang hawak na maleta na tila ba
