"Senyor, malapit nang matuklasan ni Lord ang katotohanan. Madalas siyang wala sa hide-out upang mag-imbestiga tungkol sa kung sino ang kaniyang magulang," ani Zeus kay Ernesto na nakatayo sa gilid ng malaking bintanang salamin. Tinatanaw nito ang kalawakan ng kaniyang hasyenda.
"Kailangan maunahan natin siya. Kailangan mahanap ko si Carmina kung 'di ako ang madidiin sa kaso," tugon naman nito kay Zeus. Lumakad ito papalapit sa lalaki gamit ang kaniyang baston na siyang umaalalay sa nanghihina na niyang mga tuhod tuhod.
"Tulungan mo ako Zeus." Napalunok nang mariin si Zeus. Bakit ba kailangan niyang maipit sa ganitong sitwasyon? Tatlong tao na nagtitiwala sa kaniya ang humihiling ng kaniyang katapatan ngunit isa lang ang maaari niyang piliin.
Dapat ba na ang Senyor na naging pangalawa
