"Tiyakin niyong hindi kayo papalpak sa gagawin niyo. Malalaking tao ang nag-aabang sa kargamento na 'yan," wika ni Ernesto sa dalawa nina Shawn at Zeus.
Inatasan sila nitong i-deliver ang mga ilegal na baril sa isang liblib na lungsod sa Maynila kung saan namumugad ang mga bigating kliyente nito. Ito ang pinakaunang pagkakataon ni Shawn na sasabak sa ganitong gawain kaya naman naroon ang kaunting kaba sa kaniyang dibdib. Nangangamba na baka mahuli sila ng kapulisan at tuluyang makulong.
"Zeus, alam niyo na ang gagawin. Ituro mo kay Shawn kung paano patakbuhin ang ating negosyo," utos nito sa kaniyang tagasunod. Yumukod naman si Zeus sa Senyor bago tumugon.
"Masusunod po."
"Umalis na kayo habang madilim pa ang paligid. Kung may haharang man, alam niyo na ang gagawin."
Muling tumango
