Lumilingap sa paligid bago sumakay sa kulay itim na kotse ang baklang sinuntok ni Jackson kani-kanina lang kung saan naroon si Diana na naghihintay.
"Nagawa mo ba ang ipinapagawa ko?" malamig niyang tanong sa lalaki habang nakatanaw sa bintana ng kaniyang mamahalin na kotse kung saan tinatanaw niya ang mga gusaling kay gandang pagmasdan dahil sa iba't ibang mga kulay nito sa ilalim ng kulay itim na kalangitan.
"Opo madam. Nasuntok pa nga ako ng anak niyo ngunit tagumpay kong nailagay ang voice recorder sa ilalim ng kanilang inuupuan," kuwento nito ngunit hindi siya interesado. Ang tanging mahalaga ay ang recoder na iniutos niya rito. Humugot siya ng isang bugkos ng kulay asul na pera sa loob ng kaniyang bag sabay tamad na inabot ito sa lalaki.
"Pipi at bingi ka na simula sa araw na to.
