Hindi na mabilang ni Senyorito Pancho kung makailang ulit na siyang napabuga ng hangin dahil sa labis na pagkabog ng kaniyang dibdib. Kasalukuyan siyang nagmamaneho ng kaniyang sasakyan patungo sa hacienda ng mga Amorsolo. Hanggang sa sandaling iyon ay hindi pa rin siya makapaniwala na ganoon lang kadali para sa kaniya ang makakuha ng appointment sa opisina ni Sabio. Bagamat nangangamba na baka may iba pang agenda si Sabio kung bakit ganoon nalang kadali ang makipagkita siya rito, ngunit gayon pa man, nagkaroon siya ng pag-asa na baka gusto rin ni Sabio na makita siyang muli. O baka naman, talagang malala ang sitwasyon sa rancho nito kaya hindi na tinutulan pa ni Sabio ang alok niyang tulong. Ano man ang totoong dahilan nito ay wala na siyang pakialam pa. Hindi na siya makapaghintay na m
