25 YEARS LATER...........
Tulalang unti-unting ibinaba ni Senyorito Pancho ang hawak na telepono pagkatapos maputol ang tawag mula sa kabilang linya. Hindi maipinta ang kaniyang mukha habang unti-unting pinoproseso ang balitang patay na si Senyor Flavio. Hindi niya alam kung ano ang mararamdaman sa sandaling iyon. Sa napakatagal na panahong paninirahan sa States, parang pinutol na rin niya ang ano mang ugnayan sa sariling ama. Bagamat sinunod niya ang kagustuhan ng matanda na sasama siya kay Amanda pagkatapos ng kanilang kasal makaraan ang mahigit dalawang dekada, ngunit hanggang sa sandaling iyon ay naroon pa rin ang matinding sama ng loob sa kaniyang puso na kinikimkim niya sa mahabang panahon.
Ayon sa abogado ni Senyor Flavio na siyang kausap niya sa naturang telepono, kailangan nila
