25 years later......
Sa edad na tatlumpot pito, wari bang isang personipikasyon ng alak si Sabio Amorsolo. Habang pataas nang pataas ang edad, pa adonis din nang paadonis ang katangiang pisikal nito. Sa napakatagal na panahong lumipas, marami ang mga pagbabagong nangyari sa kaniyang buhay. Sinong mag-aakala na ang isang magpapalay na naninilbihan lang sa Hacienda ng mga Salvatore ay nagmamay ari na ng malawak na rancho? Sa edad na tatlumpo't pito, unti-unti na ring lumikha ng sariling pangalan si Sabio sa mundo ng negosyo. Supplier siya ng mga manok at dekalidad at primerang klase ng karneng baka sa maraming supermarkets sa buong lalawigan ng Tarlac. Mula sa wala, iniahon ni Sabio ang kaniyang sarili mula sa kahirapan. Siya ay isang patunay na hindi totoo na walang magandang kinabukasan
