Bakit nga kaya, ang pagkabiyak ng ating puso ang isa sa mga pinakamasakit na bagay na mararanasan ng isang tao? Kapag mabiyak ang puso natin, wala tayong pagpipilian kundi diligan ito ng mga luha, baka sakaling humupa ang kirot at sakit na dulot nito. Siguro nga iyon ang isa sa mga dahilan kung bakit napapagod na magmahal ang iilan. Ang dali lang kasing magmahal pero kapag masaktan ka na, napakatagal mawala ang sakit. Pakiramdam mo, yung taong mahal mo ay walang awang tinapon na lang sa basurahan ang iyong puso, dahilan para langawin ito at mabulok. Masakit sa dibdib. Masakit rin sa kalooban.
Habang lumuluha ka, naroon rin ang mga dalangin mong sana panaginip lang lahat, ngunit mas lalo ka lang masasaktan sapagkat kahit anong pikit ng iyong mga mata ramdam mo ang tunay na pait, tunay ang
