"Mabuti at nandito ka na, Senyorito Pancho!" ang tila nahihintakutang bulalas ni Soleng. Agad namang napakunot ang noo ni Senyorito Pancho dahil sa inakto ng matandang tagasilbi. "Kanina ka pa ipinapahanap ni Senyor Flavio!"
"Nasaan ang papa?" sa halip ay tugon ng binata.
"Sa opisina niya. Kanina pa iyon nagwawala at hinahanap ka!"
"Nagwawala?! Ano na naman bang problema ng matandang 'yon?"
Mabilis ang mga hakbang ni Senyorito Pancho pagkatapos talikurang ang matandang tagasilbi na nag-abang sa kaniya sa bungad ng tarangkahan ng mansiyon. Agad niyang tinungo ang opisina ng kaniyang ama.
Mas nadagdagan pa lalo ang pangungunot ng kaniyang noo nang marinig niya ang mga sigaw at mura ng kaniyang ama sa loob ng opisina nito. Hindi niya maiwasan ang pagkabuhay ng kaba sa kaniyang dibdib s
