Hindi alam ni Sabio kung ano ang itugon sa isinawalat na iyon ni Senyorito Pancho sa kaniya. Wari bang may kung anong malaking bagay na nakabikig sa kaniyang lalamunan. Hindi nita inaasahan na maging ganoon kalala ang epekto ng ginawang pag-alis niya sa tabi ng lalaki. Ngunit, alam niyang hindi lang si Senyorito Pancho ang nahihirapan. Hindi na dapat siya makaramdam pa ng awa para sa lalaki sapagkat buo na ang kaniyang pagpapasyang makipaghiwalay rito.
Makakaya nga kaya ni Sabio na talikuran ang lalaking sinisinta? Bakit iba ang naroon sa kaniyang puso sa sandaling iyon? Nang makitang muli si Senyorito Pancho, naroon sa kaniyang puso ang katotohanang nagdadalawang isip siya kung itutuloy ba ang binabalak na pakipaghiwalay rito. Nagtatangis ang kaniyang kalooban dahil aaminin man niya o s
