"Umalis ka na!" Muling asik ni Senyorito Pancho kay Senyorita Amanda. Bakas sa tinig nito ang pagkadigusto sa presensiya ng babae. Ni hindi man lang ito natigilan nang sabihin ni Senyorita Amanda ang pagdadalang tao nito. Hindi niya pinapaniwalaan ang ibinunyag ang dalaga. Hindi maaring mangyari ang sinabi nito. Alam niyang palabas lang ito ni Senyorita nang sa gayon ay makuha nito ang ano mang masamang binabalak nito sa kaniya. "Wala akong panahon sa kasinungalingan mo!" pagtataboy niya kay Senyorita Amanda.
Unti-unting napalis ang nakangiting mukha ng dalaga. Inaasahan na ni Senyorita Amanda na maging ganoon ang reaksyon ni Senyorito Pancho. Ngunit, hindi niya hahayaan na maging ganoon na lang kasimple ang maging kabayaran ng pambaboy ni Senyorito Pancho sa kaniya. Kailangan nitong magd
