“Hmmm…”
Naalimpungatan si Beverly nang sandaling maramdaman ang init na tumatama sa kaniyang mukha. Umaga na pero hindi pa niya kayang iangat ang talukap ng kaniyang mga mata. Marahil ay komportable pa sa kinahihigaan nito.
Pumaling siya sa kabilang dako ng kama para sana yumakap kay Lance pero nang dumapo ang kaniyang mga braso sa kabila ay saka pa lamang niya napansin na wala roon ang binata. Doon pa lamang niya nagawang imulat ang mga mata nang maramdamang walang nakapang katawan ng lalaki sa tabi.
Napabalikwas siya ng bangon at agad na inikot ang mga mata sa paligid. Noong una’y sa hotel suite nila napiling manuluyan pero nag-request si Lance na baka p‘wedeng sa cottage na lang muna sila magpalipas ng gabi dahil sa mga humahabol sa kanila. Pinagbigyan naman sila at doon nga sa cot
