“Ayos ka lang?” ang may pag-aalalang tanong ni Lance nang makabig niya ang dalaga sa muntik nitong pagkatumba dahil sa biglaang pagpreno ng driver ng jeep. Sandaling nagkatitigan ang dalawa na halos magdikit na ang mga mukha.
Ayan na naman ang pakiramdam ng mabilis na pagtibok ng puso. Tila ba bumagal ang oras sa pagitan nilang dalawa. Hindi inalintana ang ingay ng paligid ang mga taong nakatingin. Ang tangi lang nilang naririnig ay ang malakas na t***k ng kanilang puso. Pero hindi nila pinansin ang ganoong pakiramdam sapagkat iniisip nila na normal lang iyon dahil na rin siguro sa kabang naramdaman nang pumreno ang sasakyan.
“O-Oo.” Iyon lang ang tanging naging sagot ni Beverly habang tumatango at iniwas ang tingin kay Lance. Pakiramdam niya’y kapag tumagal pa ang titig niya sa binata
