“Handa ka na bang maglaba?” Iyon yata ang tanong na hindi kailanman kayang sagutin ni Beverly. Unang beses niyang maglalaba ng sariling damit at wala siyang ideya kung paano iyon gagawin. Ni mag-ipon nga ng sariling tubig sa bath tub ay hindi niya magawa, maglaba pa kaya? Wala siyang kalam-alam sa ganoong bagay kaya hindi niya kaagad masagot si Lance.
“I think so…” may pagdadalawang-isip na sagot nito habang pinagmamasdan ang gabundok na labada na nakatambak sa sementadong sahig na may. May dalawang batya na hawak si Lance na inilagay sa tapat ng isang bakal na hindi niya malaman kung anong hitsura dahil medyo kinakalawang na.
“Bago tayo maglaba… syempre, kailangan natin ng tubig,” paliwanag ni Lance habang tinatapik-tapik ang bagay na pagkukuhanan nila ng tubig. Napatingin si Beverly sa
