“Pakilagay na lang ako riyan… thank you,” wika ni Beverly kay Luke nang mag-abala itong buhatin ang mga nilabhan niya.
Ibinaba ng binata ang plastic na basket na may mga bagong labang damit sa tapat ng pinto ng apartment ni Lance. Laking pasasalamat ni Beverly na tinulungan siya nito na maiakyat ang kaniyang mga nilabhan. Dahil kung hindi, siguradong hindi niya kakayaning buhatin ang napakabigat na bagay na dala nito mula sa poso paakyat sa pangalawang palapag.
“Heto pala,” ani Beverly nang kumuha ito ng limandaang piso sa kaniyang bulsa at ialok kay Luke. Dapat lang sigurong bayaran niya ang binata dahil tinulungan siya nito.
“Naku! Huwag na!” pagtanggi ng binata ngunit hindi maaatim ni Beverly na hindi iyon tanggapin ni Luke. Pakiramdam kasi niya’y ninakaw niya ang oras nito nang ga
