“Si Beverly? Seryoso ka, Pare?” Sa naging suhestiyon ni Luke kung sino ang p’wede nilang makuhang muse para sa kanilang kopunan, tila ba may nagdadalawang-isip si Lance kung tama bang si Beverly ang kuhanin nila.
Oo nga, maganda ito. Sa katunayan, p’wede nga itong panlaban sa mga beauty pageant. Pero hindi siya sigurado kung papayag ang dalaga sa gustong mangyari ni Luke. Baka tanggihan lang sila nito dahil baka hindi siya sanay sa ganoong klaseng gimik.
Sumeryoso ang tingin ni Luke sa kaibigan. “Pare, wala na tayong choice. Siya na lang ang natitirang pag-asa natin. Kaya pilitin mo na ang girlfriend mo na maging muse. Promise, ikaw ang ipa-partner ko sa kaniya,” wika ni Luke. Ngunit hindi nakalagpas sa pandinig ni Lance ang sinabi nito bago matapos ang litanya.
“Girlfriend? Sino’ng m
