“Wow! I love this!” Hindi magkamayaw ang mga kamay ni Beverly sa mga damit na kinukuha niya. Hindi na niya inalam kung magkano ang mga ito dahil alam niyang hindi lumalagpas sa halos isandaang piso ang mga damit na nakukuha niya.
Pinanonood lang siya ni Lance habang namimili. Nakangiti lang itong pinagmamasdan ang dalaga. Kung kanina’y halos lantang gulay itong walang gana siyang kausapin, ngayon naman ay hindi na niya makausap ang dalaga dahil abala ito sa pamimili ng mga damit. Doon napagtanto ng binata na mababaw rin pala ang kaligayahan ni Beverly kahit pa may marangya itong pamumuhay.
Noon lang din niya nakita na kahit ang taong katulad ng dalaga ay marunong din mag-appreciate ng maliliit na bagay. Tulad na lang ng ginagawa niya noong mga oras na iyon, hindi akalain ni Beverly na
