Hilam ang mga mata sa luha ng binatang si Lance habang kinukuwento ang nakaraan. Isang taon na ang nakalipas. Naroon pa rin ang sakit ng pagkawala ni Andrea subalit natanggap na naman niya. Pero magpasahanggang ngayon ay sinisisi pa rin niya ang kaniyang sarili. Kung hindi niya siguro pinayagan ang dating kasintahan na makipagkita sa kaniya ay baka buhay pa ito at nasa ibang bansa na siya ngayon para tuparin ang pangarap nilang dalawa.
“Hindi mo dapat sisihin ang sarili mo, it’s not your fault. Isa pa, kung nasaan man siya ngayon, I’m sure she’s okay,” wika ni Beverly matapos marinig ang mga tinuran ng binata sa kaniya. Hindi niya alam kung paano niya mapapagaan ang kalooban ng binata ngunit tingin niya ay sapat na ang magkasama sila para kahit papaano’y mabaling sa ibang bagay ang atens
