Nagising na lang si Lance nang maramdaman ang mabigat na bagay na nakapatong sa kaniyang braso. Halos mamanhid iyon dahil tingin niya ay magdamag yatang nakadantay sa kaniya ang mabigat na bagay sa kaniya. Mumukat-mukat niyang imunulat ang mga mata at nabaling ang tingin sa bagay na nasa tabi.
“Beverly?” nagtataka niyang tanong sa sarili nang masilayan ang tulog na dalaga na nakadantay ang ulo sa kaniyang braso at nakapatong ang braso nito sa kaniyang dibdib. Parang p’westo ng mag-asawa habang tulog ang hitsura nila.
Paano nangyari na napunta sa tabi niya ang dalaga? Wala siyang maalala na inalok niya itong matulog sa tabi niya at kung nangyari man iyon ay sigurado naman siyang hindi papayag si Beverly. Baka manlaban pa ito kung sakali. Ang tangi lang niyang naaalala ay ang masayang k’w
