“B-bakit mo naitanong?” Tila nahulasan si Lance nang marinig ang katanungang iyon ni Beverly. Hindi niya alam kung bakit pumasok sa isipan ng dalaga na itanong ang bagay na iyon sa kaniya. Isa kasi iyon sa alaalang pilit na niyang kinakalimutan at ayaw na niyang balikan pa. Subalit nang marinig niya ulit ang pangalan ng babaeng iyon ay parang may kirot na bumalik sa kaniyang puso.
“Napansin ko kasi no’ng binanggit ni Luke ang pangalan ni Andrea ay biglang nagbago ang expression ng mukha mo kahapon,” wika ni Beverly.
Napansin niya pala iyon. Hindi niya malaman kung bakit sa tuwing mababanggit ang pangalan na iyon ni Andrea ay nag-iiba ang timpla ng mukha niya. “Girlfriend ko siya.” Nabanaag ang kalungkutan sa mukha ni Lance nang banggitin niya ang mga katagang iyon. Si Beverly naman ay
