“Wow! Ang ganda!” Pagkamangha ang gumuhit sa mukha ni Beverly nang masilayan niya ang magandang tanawin pagkababa niya ng sasakyan. Sino ba naman hindi hahanga sa paglubog ng araw sa ibabaw ng napakataas ng bundok at sumasabay ang luntiang kulay ng paligid.
Ani mo’y isang makapigil-hiningang eksena ang dahan-dahang pagngiti ng takipsilim sa kanilang harapan. Noon lamang niya nasilayan ang ganoong pangyayari sa tanang buhay niya kaya halos bumilis ang t***k ng kaniyang puso sa galak na nararamdaman.
“Nagustuhan mo ba?” tanong sa kaniya ng binata. Saglit na tumingin si Beverly sa nakangiting si Lance bago ibinaling muli ang mga mata sa araw na tila masayang namamaalam.
Tumango lang siya at sinabing, “Oo. Sobrang ganda.”
Hindi niya namalayan na nakatingin si Lance sa kanya. Titig na ti
