“P’wede ba akong manligaw?” Natigalgalan si Beverly nang marinig ang sinabi sa kaniya ni Luke. Para bang biglang tumigil ang mundo niya. Iyon kasi ang unang beses na may nag-alok sa kaniya na ligawan siya. Yes, maraming binata ang umaamin sa kaniya ngunit karamihan sa mga ito ay hanggang pag-amin lang.
Hindi niya alam kung ano ang isasagot sa tanong na iyon; kung papayag ba siya agad o pag-iisipan ba niya. Hindi naman kasi masama kung bibigyan niya ng pagkakataon ang binata. Ngunit hindi niya alam kung hanggang saan ang tapang nito. Baka kasi tulad lang siya ng ibang lalaking nakilala niya na nag-attempt lang pero hindi na itinuloy. Masakit ‘yon sa parte niya bilang isang babae.
Madalas kasi, umaasa ang mga babaeng katulad niya na may lalaking magagawang magtiyaga sa kaniya para lang m
