“Nandito na tayo,” wika ni Hailey nang tumigil sa harapan ng gusali ang kaniyang sasakyan. Matamang tiningnan ng apat ang gusaling nasa harapan.
Ang lugar na iyon ay ang kompanya nina Beverly. Ang negosyong matagal na pinagpaguran at itinaguyod ng kaniyang ama bago makamit. Sumagi sa isipan ni Beverly ang mga paghihirap ng ama para lang mapagtagumpayang patakbuhin ang kanilang negosyo. May mga ara na halos hindi na ito umuwi sa bahay para lang tapusin ang mga kailangan nitong tapusin sa opisina niya. Pero hindi niya akalaing maaaring masayang iyon dahila lang sa isang tao na labis nilang pinagkatiwalaang mag-ama.
“Beverly, ayos ka lang?” tanong ng binata na katabi niya sa back seat ng sasakyan. Napansin kasi ni Lance na nakatulala lang ito habang tintingnan ang gusali at may malalim na
