“Wow!” Sabay na napanganga ang dalawa sa kuwartong pinasukan nila. Napakalaki nito at napakaganda. Lahat ng muwebles na nasa loob ay halatang mamahalin. Noon lang nakakita si Lance ng ganoon kagandang suite. Hindi pa naman talaga siya nakakita ng ganoong kagandang tutuluyan sa tanang buhay niya kaya siguro ganoon na lamang ang pagkamangha niya sa mga bagay na nakikita niya sa loob.
Ginawaran pa niya ng tingin ang kisame at lalong nalaglag ang panga sa chandelier na nakita. Punong-puno iyon ng mga kristal at tila mga bituing nagliliwanag sa pagkislap. Nang magawi naman ang mga mata sa iba pang bahagi ng kuwarto kung nasaan sila ay nakita niya ang namangha siya sa mga mamahaling paintings na naroroon. Hindi mahilig si Lance sa mga paintings pero naa-appreciate niya ang mga bagay tulad n’on
