"HANGGANG sa kahuli-hulihan, Linda... Wala kang pinagbago. Tao ka pa ba? Paano mong nagagawa ang mga ganyang bagay?" umangat na sa ulo ang dugo ni Uly sa sobrang galit kay Linda. Simula't simula pa lang ay klaro na rito na kahit kailan ay hindi niya ito magugustuhan. Pero mapilit pa rin ito.
"Dahil mahal kita! Mahal na mahal!" halos bumaha ng luha sa harapan ni Uly dahil sa pag-iyak ni Linda rito.
"Punyetang pagmamahal 'yan! Linda, maawa ka sa sarili mo." tatalikod na sana si Uly nang biglang lumuhod si Linda at yakapin nito ang mga hita ni Uly.
"Wala na akong natitira pang respeto sa sarili. Mahal kita, Uly. Parang awa mo na. Please. Mahal na mahal kita!" halos mamaos na si Linda sa kabaliwan niya.
Pilit na inalis ni Uly ang mga kamay notong mahigpit na nakakapit sa hita niya. Pilit d
