"...sa baba ka ng ring parati, Giordano. Ikaw naman dito o kaya dito kasi napansin ko sa mga laro niyo na parating sa loob ka lang tumitira. Ikaw Dela Marcel alam mo na kung saan ka..." humalukipkip ako at pinakinggan pa ang mga sinasabi ng coach nila.
Ito na ang huling practice nila. May isang linggo pang natitira pero ang isang linggong iyon ay magiging rest day nila.
Habang dumarating ang araw ng pagalis niya, parang gusto ko nalang baguhin lahat. Sana hindi nalang siya aalis.
Gusto kong maging makasarili at sabihin sa kaniya na ayaw ko na siyang umalis pero sa simula palang ako na ang nagdesisyon nito. Ako ang nagpumilit. Hindi ko naman kasi alam na ganito pala kahirap panindigan ang bagay na ito.
Ganito kaya ang naramdaman niya noong umalis ako? Baka mas malala dahil umalis ako ng
