Nagmamadaling umuwi si Cassie. Nakita niya ang kaniyang ina sa shopping mall na iyon at hindi malayong nasa paligid lang din ang kaniyang ama at ang mga tauhan nito.
Kahit anong pagbabalat kayo ay sigurado siyang may paraan ang mga ito para makita siya. Hanggang sa pag uwi ng bahay ay dala pa rin niya ang isiping iyon.
Kasalukuyan siyang naghihiwa ng gulay at hindi niya namalayan na nadaplisan na pala ng kutsilyo ang daliri niya. Naramdaman na lamang niya ang matinding kirot nang makita niya na may tumulong dugo sa sangkalan. Iyon ang eksena na naabutan ni Luther, napaaga ang uwi ng binata at nakita nitong nakatulala lang si Cassie habang hawak-hawak ang duguang daliri.
Mabilis na tinungo nito ang kinaroroonan ng dalaga. Kinuha nito ang kamay ni Cassie, dinala sa lababo at isinahod sa g
