"Mahal mo ba ang anak ko?"
Napamulat ako nang marinig ko ang tanong ni Papa sa malakas na boses. Parang lasing na lasing na dahil 'ngungu' na pakinggan. At sino ang tinatanong niya?
"Mahal na mahal ko po siya, Tito. Papakasalan ko po siya."
Nanlaki ang mga mata ko pagkarinig ko sa boses ni Linta na mukhang lasing na rin.
Bumaba agad ako ng kama saka lumabas.
Sumikdo ang puso ko nang magtagpo ang mga mata namin.
"Mahal na mahal ko po siya at kahit ngayon ay handa po akong pakasalan siya kung papayag lang po siya, Tito."
Dugtong niya pa at halos hindi siya kumurap nang sabihin iyon sa akin bago nilagok ang alak na hawak niya.
"Okay, narinig ko na ang gusto kong marinig," tugon ni Papa bago sumandal na ikinagulat ko.
"Pa!" tarantang sigaw ko sabay lapit.
"Anong ginawa mo?" tanon
