[CHAPTER 26]
◌●◌
MALIWANAG NA ang paligid nang makalabas sila ng gubat. Dahil napunta sila liblib na lugar kaya walang makikitang sasakyan sa daan. Pinahinto ni Chaos ang motor nang makita ang papasikat na araw sa highway. Nasa gilid sila ng malawak na palayan habang nakatanaw roon.
Hindi niya mapigilang huwag alalahanin ang yumaong kaibigan. Ganito ang isa sa ginagawa nila kapag nagkakataong magkakasama. Kaligayahan na nila ang paghihintay sa loob ng ilang minuto habang nakatingin sa kawalan. Sa isang iglap, tila mahikang gumagaan ang kanilang pakiramdam. Nawawala ang mabibigat na alalahanin at tila ba wala na silang pakialam kung anong mangyayari kinabukasan. Hangga’t magkakasama, kontento na sila.
Ang pumanaw rin na kaibigan ang isa sa dahilan kung bakit iniiwasan niya si Franci
