Nagpapahangin si Rosalie sa bahay-kubo malapit sa mansyon habang nakatanaw sa magandang tanawin. Miss na miss niya na si Rio kahit pa dinalaw siya nito noong nakaraang linggo. Ang sabi nito ay malapit na raw gumaling si Alianna kaya magkakasama na ulit sila. Kahit gusto niyang tawagan ang lalaki ay pinipigilan niya ang sarili. Mahirap na dahil baka mahuli na naman ng mga magulang ni Alianna ang relasyon nila. Wala naman siyang naramdamang pagbabago sa lalaki na dapat niyang ipagalala. Lagi namang pinaparamdam ni Rio na sabik itong makita siya.
"Rose, dumating 'yung magdedeliver ng gulay," narinig niyang tawag ni Aling Susana, ang mayordoma ng mansyon, "gusto kang makausap."
Kinabahan si Rosalie. Alam ni Aling Susana ang tungkol sa kaso niya dahil matagal na itong katiwala nila Rio at
