"Anong ginagawa mo rito?" nagtatakang tanong ni Rio sa kapatid nang dumating ito sa try-out ng basketball.
"Sasali ako sa try-out."
Gulat na gulat si Rio sa narinig. Matagal na niya kasing inaaya ang kapatid dahil sa nakikita niya na magaling ito sa tuwing naglalaro sila sa bahay. Pero hindi talaga mahilig sa sports ang kapatid kaya hindi niya na pinilit.
"Himala," natatawang tinapik niya sa balikat ang kapatid, "Sige na, pumunta ka na doon sa court."
Isang oras din ang itinagal ng try-out at natuwa naman siya dahil nakapasok siya sa unang round.
"Congrats, pare. Asenso na ha," masayang bati ni Cyrille, "Akala ko kailangan pang sumali ni Ate Lauren para lang mag-join ka e."
Natawa na lang siya sa sinabi nito.
Lima silang nakapasok bilang probationary member ng team at masaya
