"Tapos na ang habulan," lumapit si Ranger kay Iris at marahas na hinila ang mahaba nitong buhok.
"Sa ngayon," nakangising sagot ni Iris at mukhang hindi man lang natakot.
Napailing ang lalaki at mukhang nanggigil ito, "Matapang ka. Alam mo bang kayang-kaya namin kayong iligpit ngayon?"
"Mayabang ka lang dahil marami kayo. Wala ka namang panama sa akin kung ikaw lang mag-isa."
Isang malakas na sampal ang ibinigay ng lalaki kay Iris. Gustong sumugod ni Rio sa galit. Kahit aminado siyang suplado siya ay hindi niya kayang manakit ng babae.
Pinunasan lang ni Iris ang dugo sa mga labi nito at matalim na tumingin sa lalaki, "Sulitin mo na ang oras na ito, Ranger dahil kapag nakatakas ako, ililibing talaga kita ng buhay."
"Masyado kang madaldal," kinaladkad na ni Ranger si Iris papasok sa gu
