"Anong eksena mo ate girl, bakit ang haggard mo?" bungad ni Marisa habang nangungulangot. Kung minsan ay hindi nakaktulong ang pagiging prangka niya.
"Napuyat lang ako sa pagkuskos ng mga damit," pagdadahilan ko. Pero sa totoo ay hindi ako nakatulog matapos marinig ang usapan ni Mama at ng kung sino.
Nakakaramdam din ako ng bigat sa loob, hindi pala madali ang nararanasan ni Mama, pero nagpapatuloy siya para sa'min. Kung hindi kami pabigat sa kanya, siguradong makakapili siya ng trabahong hindi mabigat.
"Anyways bes, tingin mo dadaan si sir Haze ngayon sa pwesto niyo? Ang daya talaga, gusto ko na rin dun," nakanguso niyang sabi, sabay pinahid ang daliring pinang-kulangot sa kanyang short. Dapat kaming mga dalaga ay kumilos nang nararapat, ewan ko ba rito kay Marisa.
Isa pa 'yang si si
