"Sure ka ba na walang namamagitan sainyo? Eh 'di ba parang tropa sila ni Haze?" pangungulit ni Marisa. Kumakain siya ng orange habang nanunuod ng TV, pero hindi matigil ang bibig sa tsismis.
Umirap ako at pinigilan ang sariling batuhin siya ng unan. Hindi pa nga siya magaling, malakas nang mang-asar. Hindi ko lang binabara dahil alam kong paraan niya rin 'to para pagaanin ang sariling loob.
"Wala nga. Ang issue mo. It's not even a week since we've met, kahit naman marami siyang naitulong sa'tin hindi ibig sabihin kilala ko na ang buong pagkatao niya."
Patuloy ang pang-aasar ni Marisa sa'kin tuwing tumatawag at nangangamusta si Levi, sinabihan ko na siyang tumigil dahil nakakahiya lalo kapag nandito, binabawi naman kapag kaming dalawa na lang.
Nakiupo rin ako sa kama niyang maluwag-luw
