Narating naming muli ang susunod na maliit na village. Kaunti lamang ang mga bahay at mga tao, pero medyo maingay ang lugar na ito kumpara sa naunang village.
Kasama pa rin namin sina Romeo, Taro, at Gorg na nagtanong sa mga tao kung kakilala nila si Troye Heroi, at lahat nga sila ay isang bahay lang ang itinuturo. Isang hindi kalakihang bahay na gawa sa punong-kahoy, nasa tatlo hanggang apat na katao ang pupwedeng tumira.
Sinamahan kami ng isang villager doon na magpunta sa bahay ni Troye. Nagkukwento pa ito ng kung anu-ano tungkol sa village na ito, sa Mount Blaze, at pati na rin kay Troye.
"Taga Magi Academia ba kayo kamo? Kukunin niyo bang propesor itong si Troye roon?" usisa pa nito nang mabanggit namin kung saan kami nanggaling, ngunit iba ang pakay namin sa sinabi niya.
"May imp
