Isang buwan na ang nakalilipas mula noong nangyari ang insidente. Nakatayo na ang lahat ng gusali sa Magi Academia na tila ba walang nangyaring kaguluhan noon. Na-declare na rin sa korte ang innocence ko sa tulong na rin ng mga witness na sina Forest at Elijah, pati na ang isang year book na nakuha nina Hyacinth sa library. Nandoon daw kasi ang mukha at pangalan ko sa lumang year book, e two years ago lang ang unang pasok ko rito sa Academia. Nagulat din ako nang marinig ang tungkol doon sapagkat isa akong President ng Supreme Student Council sa taong iyon habang President's Assistant naman daw si Zalchad.
Dumaan din ako sa isang proseso kung saan kakalkalin ang utak ko gamit ang magaé ng isa sa mga miyembro ng Magi Intelligence. Ngunit wala silang nakitang nakipagkampihan ako sa mga kala
