Isang linggo ang nakalipas mula nang masaksihan namin nila Uncle ang bahay na sobrang magulo at sira sira ang mga gamit.
Hanggang ngayon ay wala parin kaming ideya kung sino ang lumapastangan ng aming bahay. Wala kaming maalalang naging kagalit ko o ni Uncle.
Pinaimbestigahan na rin namin ang nangyari. Pero wala paring resultang lumalabas ukol roon. Mukhang malinis ang pagkakayari ng kung sino mang suspek iyon.
Imposible namang sina Caesar at Mabeth iyon. Pinagbantaan na sila ni Uncle kung gagawa pa sila ng panibagong hakbang para muli kaming siraing dalawa.
Pero may posibilidad ring silang dalawa ang nasa likod nito. Maaaring pinag-isipan nila ang pwedeng pananakot nila sa amin. Pwede rin namang pinatrabaho nila ito sa iba.
Walang imposible kay Mabeth. Kabit ito ng isang mayamang Maf
