"Sinabi kong magsabi ka sa akin ng totoo. Ano ba talaga? Pinatay mo ba si Caesar?" Galit na tanong ko ulit rito. Tumayo ako sa hapag kainan at dumiretso sa sala. Sumunod naman sa akin si Uncle at naupo sa kaharap na upuan ko.
"Hindi ko siya pinatay, John." Kalmadong sagot nito.
Nagsalubong ang kilay ko dahil sa sagot niya. "Ano? E, bakit sa–" Hindi ko na tinapos pa ang sinasabi ko dahil ayokong malaman niya na galing kay Arthur ang mga nalaman ko tungkol kay Caesar.
"John, kahit saksakin mo pa ako. Hindi ko magagawang patayin si Caesar. At saka, hindi pa siya patay. Buhay siya. Buhay na buhay. Nakapag-piyansa siya noong nakaraang buwan. Bago pa tayo lumipat sa Sitio Alvarez. Hindi ko lang nasabi sa'yo dahil ayokong mag-alala ka." Dugtong nito.
Napakagat labi ako dahil sa nalaman ko kay
