"Ano ba?!" Tinulak ko si Uncle palayo sa akin.
"Sorry." Paumanhin nito.
"Ano bang akala mo? Na porket sinabayan kitang kumain ngayon ay okay na tayo? Ano, ganun ganun na lang 'yon? Kakalimutan ko na agad ang lahat ng ginawa mo?" Singhal ko rito.
"Pasensya na, John. Nadala lang ako."
"Nadala? So, nadala ka rin ba noong hinalikan mo 'yung babae na 'yon at n'ung maglampungan kayo sa bahay natin? Ganun ba? Iyon ba ang ibig sabihin ng 'nadala' sa iyo?" Hindi ko na napigilan ang pag-agos ng luha sa mata ko.
Pilit kong kinakalimutan sa isip ko ang lahat ng ginawa sa akin ni Uncle. Pero kapag nakikita ko ang presensya niya, hindi ko maiwasang maalala iyon. Para itong kiti kiti na tumatakbo sa isipan ko.
Napaluhod si Uncle sa harap ko. "John, humihingi ako ng tawad sa iyo. Bigyan mo pa ako ng
