Narinig ni Marinella na kausap ni Rachelle si Bennett sa telepono at nanghihingi ng paracetamol ang binata. Sumakit yata ang ulo sa kahalikang babae. O sumakit ang ulo sa dami ng nainom.
Hindi niya alam kung dapat ba niyang pagsisihan na lumabas pa siya ng alas dose ng gabi dahil may naghahanap daw sa kanya na guest ng hotel. Bisita ni Denisse si Enrico at ang alam niya'y may project na ginagawa ang mga ito. Ibinilin sa kanya ni Denisse na asikasuhin ito kapag nasa Luna Hotel. Nagulat siya nang bigla itong dumating ng alas onse ng gabi at gustong mag-checkin. Mabuti na lang at may bakante pang silid. Kaya kahit tulog na dapat siya dahil maaga ang duty niya bukas, napilitan siyang bumangon para personal na asikasuhin ang guest.
Siguro ay inaadya talaga ng Diyos na makita niya ang k
