SA buong durasyon ng byahe ay tahimik si Matilde. Hindi dahil sa iyon ang sinabi ni Xavier sa kanya. Bagkus ay mas gusto niya lamang na manahimik habang pinagmamasdan ang kanilang probinsya.
Dalawang taon na simula nang umalis siya dito. At ngayon na luluwas siyang muli ay nagpapasalamat siya kahit papaano dahil magaan na ang pakiramdam niya. Makakatawag na siya sa mga magulang niya nang hindi gaanong naiisip ang nangyari sa kanya noon.
Nakatulala lamang siya sa labas nang bigla ay narinig niya ang boses ni Xavier De Luca. Akala niya ay makausap muli ito sa cell phone nito dahil kanina pa itong may kausap. Mahigit isang oras na silang nasa byahe at halos isang oras niya na rin naririnig ang mga sinasabi nito tungkol sa trabaho at kung hindi siya nagkakamali ay ang sekretarya nito ang ka
