TAHIMIK si Matilde. Hindi niya alam kung ano ang sasabihin niya habang naglalakad sila ni Leandro Jose papalabas ng village. Maging ang binata ay tahimik lang din. Tila pinapakiramdam nila ang isa't isa.
Samantala ay hindi naman maipaliwanag ni Matilde ang sayang nararamdaman niya sa dibdib niya. Parang nitong mga nakaraan lang ay ang lungkot lungkot niya dahil hindi siya gaanong pinapansin ng binata.
Tahimik pa rin sila. Mahigit limang minuto na ata silang naglalakad ngunit wala pa ring nagsasalita sa pagitan nila.
Hanggang sa mayamaya din ay binasag na iyon ni Leandro Jose.
"Miss Magallanes..."
"H-ha?" mula sa malalim na pag-iisip ay napalingon siya sa huli. Napakurap kurap pa siya. "You were saying something?"
Tumango naman ang huli. "Hmm..."
"I'm sorry. May iniisip lang ako,"
